વ્યારા નગરમાં શિક્ષણની સાથે-સાથે સહ અભ્યાસ પ્રવૃત્તિઓમાં પણ અગ્રેસર રહેતી કે. કે. કદમ કન્યા વિદ્યાલયમાં અભ્યાસ કરતી ધોરણ-10ની વિદ્યાર્થીની વૈભવી વસાવાએ વડોદરા ખાતે યોજાયેલી ક્રોસ કન્ટ્રી (અંડર-16) 2 કી.મી.ની સ્પર્ધામાં માત્ર 7 મિનિટ અને 34 સેકન્ડમાં પૂર્ણ કરી ગુજરાત રાજ્યમાં પ્રથમ ક્રમે આવી હતી.જોકે વૈભવીએ આ સિદ્ધિ પ્રાપ્ત કરતા તેની પસંદગી ગુજરાતની ટીમમાં થઈ છે અને આગામી તા.15મી જાન્યુઆરીના રોજ નાગાલેન્ડ ખાતે યોજાનાર રાષ્ટ્રીય કક્ષાની સ્પર્ધામાં ભાગ લેશે. જયારે વૈભવીની આ સિદ્ધિથી તાપી જિલ્લાનાં રમત-પ્રેમીઓમાં આનંદની લાગણી છવાય ગઈ હતી અને વૈભવીને શાળા પરિવાર દ્વારા પણ અભિનંદન પાઠવી શાળાનાં આચાર્યા સંગીતા ચૌધરી તેમજ પી.ટી. શિક્ષિકા કરિશ્મા પટેલ તેમજ કોચ પિંકલ આહીર દ્વારા તેનું સન્માન કરવામાં આવ્યું હતું.