સોનગઢના ગ્રામ્ય વિસ્તારોમાં ચાલતા દારૂના અડ્ડા પર પોલીસે જુદીજુદી રેડ કરી હતી જેમાં દારૂની બાટલીઓ અને દેશીદારૂ સાથે ઝડપાયેલી બે મહિલા સહિત ચાર જણા સામે કાયદેસરની કાર્યવાહી હાથ ધરી હતી.

 

 

 

 

મળતી માહિતી અનુસાર સોનગઢ પોલીસ સ્ટાફના માણસો શુક્રવારે મોડી સાંજે ખાનગી વાહનમાં બેસી પોલીસ સ્ટેશનના વિસ્તારમાં પેટ્રોલીંગમાં હતા તે દરમિયાન સ્ટાફના માણસોને મળેલ બાતમીના આધારે તાલુકાના ત્રણ ગામોમાં જુદીજુદી રેડ કરી હતી જયારે એલસીબીએ એક રેડ કરી હતી.જેમાં વડપાડા ગામના કોકણી ફળીયામાંથી દેશીદારૂના મુદ્દામાલ સાથે ધીરુભાઈ મગનભાઈ કોકણી નામના ઈસમને પોલીસની રેઈડમાં ઝડપી પાડવામાં આવ્યો હતો.

 

 

 

સોનગઢના ચીખલીભેંસરોટ ગામના ડુંગરી ફળીયામાંથી ઘરના રસોડાના ભાગે સંતાડેલી મુકલે ઈંગ્લીશ દારૂ સુગંધી સંતરાની બાટલીઓ નંગ 17 ના પ્રોહી મુદ્દામાલ સાથે બિપીનભાઈ ચીમનભાઈ ગામીતને પોલીસની રેઈડમાં ઝડપી પાડવામાં આવ્યો હતો.

 

 

 

સોનગઢના જેસિંગપુરા ટેકરા ફળીયામાંથી દેશીદારૂના મુદ્દામાલ સાથે ગીતાબેન ગણેશભાઈ રાઠોડ નામની મહિલાને પોલીસની રેઈડમાં ઝડપી પાડવામાં આવી હતી.

 

 

 

સોનગઢના મેઢસિંગી ગામના પટેલ માંથી ફળીયામાંથી દેશીદારૂના મુદ્દામાલ સાથે ગમનાબેન ઠાકોરભાઈ ગામીત નામની મહિલાને એલસીબી પોલીસની રેઈડમાં ઝડપી પાડવામાં આવી હતી.આમ ચાર જુદાજુદા બનાવોમાં દારૂના અડ્ડાઓ પર પોલીસ રેડ કરી હતી જેમાં દારૂની બાટલીઓ અને દેશીદારૂના મુદ્દામાલ સાથે ઝડપાયેલી બે મહિલાઓ સહિત કુલ ચાર જણા વિરુદ્ધ કાયદેસરની કાર્યવાહી હાથ ધરવામાં આવી હતી.