ગાંધીનગરનાં ચિલોડા હિંમતનગર હાઇવે ઉપર ચંદ્રાલા પાસે ટ્રકમાં ચોરખાનું બનાવીને લઈ જવા હતા વિદેશી દારૂના મોટા જથ્થાના ઝડપી લીધો હતો. જોકે ચાલક કે કોઈ બુટલેગરો હાથમાં આવ્યા ન હતા. હાલ પોલીસે રૂપિયા 20.93 લાખનો મુદ્દામાલ જપ્ત કરીને ટ્રકનાં નંબરના આધારે આરોપીઓની શોધખોળ શરૂ કરી હતી. મળતી માહિતી મુજબ, ગાંધીનગર એલ.સી.બી.2ની ટીમ પેટ્રોલિંગમાં હતી. તે દરમિયાન બાતમી મળી હતી કે, હિંમતનગર તરફથી એક ટ્રકમાં વિદેશી દારૃનો જથ્થો ભરીને અમદાવાદ લઈ જવામાં આવી રહ્યો છે. જે બાતમીના પગલે પોલીસ ટીમે તપાસ કરતા ચંદ્રાલા પાસે ટ્રક બિનવાસી હાલતમાં રોડ સાઈડમાં ઉભેલી મળી આવી હતી.

જેની અંદર તપાસ કરતા લોખંડનું પાર્ટીશન બનાવી ચોર ખાનામાં સંતાડવામાં આવેલી વિદેશી દારૂની 322 જેટલી પેટીઓ મળી આવી હતી. જેમાં પોલીસે તપાસ કરતાં 3864 બોટલ જોવા મળી હતી અને રૂપિયા 10.34 લાખના વિદેશી દારૂની સાથે ટ્રક તેમજ મોબાઇલ મળી 20.39 લાખ રૂપિયાનો મુદ્દામાલ જપ્ત કરવામાં આવ્યો હતો. જ્યારે ટ્રકનો ચાલક કે કોઈ બુટલેગર હાથમાં નહીં આવતા હવે પોલીસે ટ્રકનાં નંબરના આધારે બુટલેગરની શોધખોળ શરૂ કરી છે. નોંધવું રહેશે કે પોલીસ બાતમીના આધારે ટ્રકને પકડવા પહોંચી તે પહેલા બુટલેગરોને ગંધ આવી જવાથી આ ટ્રક મૂકીને ભાગી જવામાં સફળ થયો હતો.