રાંદેર વિસ્તારમાં નવયુગ કોલેજ પાસે રહેતા યુવકે છેલ્લા બે વર્ષથી સોસાયટીની મહિલાઓમાં નાકે દમ કરીને મૂકી દીધો હતો. સોસાયટીમાં રહેતી મહીલાઓ ઘરની બહાર નીકળતી એટલે આ હવસખોર યુવક તેણીને ઘુરી ઘૂરીને જોવાની સાથે તેણીના ફોટાઓ અને વિડીયો પણ ઉતારતો હતો. આ મામલે સ્થાનિક મહિલાઓએ અનેકવાર તેણીની પત્નીને પણ ફરિયાદ કરી હતી પરંતુ આ યુવક સુધારવાનું નામ લેતો ન હતો. જોકે ગતરોજ એક મહિલાએ બે વર્ષ બાદ હિમ્મત કરી તેની સામે પોલીસ ફરિયાદ નોંધાવતા પોલીસે છેડતીનો ગુનો નોંધી વધુ તપાસ હાથ ધરી છે.

 

 

 

 

બનાવની વિગત એવી છે કે રાંદેર નવયુગ કોલેજની સામે બોમ્બે કોલોનીમાં રહેતો ૨૬ વર્ષીય સનિ સુરેશભાઇ વસાવા સોસાયટીની બહાર જ ઈંડાની લારી ચલાવતો હતો. બોમ્બે કોલોનીમાં રહેતી દરેક મહિલાઓ પર સુરેશ દાનત બગાડતો હતો અને મહિલાઓને ઘુરી ઘૂરીને જોયા કરતો હતો. છેલ્લા બે વર્ષથી સુરેશે મહિલાઓને સોસાયટીમાંથી બહાર નીકળવાનું હરામ કરી નાખ્યું હતું. મહિલાઓ સોસાયટીની બહાર જાય ઍટલે તેમની પાછળ પાછળ જઇ તેણીને હેરાન પરેશાન કરતો હતો. આ મામલે ગતરોજ બોમ્બે કોલોનીમાં જ રહેતી ૩૦ વર્ષીય પરિણીતાએ હિમ્મત કરી રાંદેર પોલીસ ચોકીમાં સની સામે છેડતીની ફરિયાદ નોંધાવી હતી. પરિણીતાએ ફરિયાદમાં જણાવ્યું હતું કે છેલ્લા બે વર્ષથી સુરેશ તેણીને હેરાન પરેશાન કરતો હતો. પરિણીતાએ ફરિયાદમાં જણાવ્યું હતું કે જે પરિણીતા પોતાના ઘરની સામે આવેલ ઍસઍમસીના જાહેર શૌચાલયમાં જાય ત્યારે તે તેની પાછળ અંદર ઘુસી જતો હતો.

 

 

 

 

આ ઉપરાંત પરિણીતા ડાયમંડ ખાતામાં મજૂરી કામ કરતી ત્યાં પણ તે હેરાન કરવા આવતો હતો. પરિણીતા ઘરની બહાર નીકળે ત્યારે પણ તે તેણીની સાથે આવી ફોટા પાડી વિડીયો ઉતારી હેરાન પરેશાન કરતો હતો. આ મામલે સ્થાનિક મહિલાઓએ સની વસાવાની પત્નીને પણ અનેકવાર ફરિયાદો કરી હતી. જોકે સની પત્નીની વાત પણ માનતો ન હતો. બે વર્ષ બાદ અસહ્ના ત્રાસને પગલે આખરે પરિણીતાએ પોલીસ ફરિયાદ નોંધાવતા પોલીસે સની વસાવા સામે છેડતીનો ગુનો નોંધી તેને ઝડપી પાડી તેની ધરપકડ કરી છે.

 

 

 

 

આ બનાવમાં સ્થાનિક મહિલાએ રાંદેર પોલીસ મથકમાં ફરિયાદ નોંધાવતા પોલીસે છેડતીનો ગુનો દાખલ કર્યો હતો. જોકે આ ફરિયાદમાં સાહેદ તરીકે આરોપી સની વસાવાની પત્ની જ હતી. તેણીએ પોલીસને જણાવ્યું હતું કે તેનો પતિ સની જ ખરાબ છે. તે સોસાયટીમાં રહેતી મહિલાઓના ફોટા પાડી વિડીયો બનાવતો અને તેણીની છેડતી કરતો હતો. અવારનવાર સમજાવવા છતાં પણ તે કોઇ વાત માનતો ન હતો. હાલ તો પોલીસે સનïની પત્નીનું પણ નિવેદન લઇ આગળની કાર્યવાહી હાથ ધરી છે.