નવસારીની લુંસિકુઈ ચોપાટી પાસે પરિવાર સાથે ભોજનની મિજબાની માણતા લોકો પર ગતરોજ રાત્રે બે લડતા આખલા આવી ચઢતાં લોકોમાં નાસભાગ મચી જવા પામી હતી અને એક વ્યક્તિ ઇજાગ્રસ્ત થયો હતો. જોકે સ્થાનિકોનાં પ્રયાસ બાદ બે આખલા છૂટા પડ્યા હતા અને લોકોએ રાહતનો શ્વાસ લીધો હતો.

બનાવની વિગત એવી છે કે, હળવાશથી સ્ટ્રીટ ફૂડ લેતાં લોકો રાત્રે પરિવાર સાથે મજા માણી રહ્યા હતા તે સમયે બે લડતા આખલાઓ ધસી આવ્યા હતા અને બંને લડતા આખલાઓએ ઉધમ મચાવી લારીવાળાનો સામાન પણ વેરવિખેર કરી નાખ્યો હતો. જેમાં એક વ્યક્તિને ઇજા પણ પહોંચી હતી. જોકે સમગ્ર ઘટનાને પગલે રખડતા ઢોર મુદ્દે પાલિકા વધુ ગંભીર બને તેવી માંગ સ્થાનિકોમાં ઉઠવા પામી છે.