ચીખલી પોલીસ એસ.ટી ડેપો પાસે તેમજ ચાર રસ્તા પાસે પેટ્રોલીંગમાં હતી. તે દરમિયાન મળેલ બાતમીના આધારે, ઉધના રેલ્વે સ્ટેશન રોડ સાંઇબાબા મંદિર પાસે ફુથપાટ ઉપર રહેતા વચનારામ ભોમારામ મેઘવાળ પાસે ચોરીના મોબાઈલ છે અને જે સુરતથી બસમાં બેસી નવસારી થઇ ચીખલી તરફ જનાર છે અને શરીરે સફેદ અને ગ્રે કલરના લાઇનિંગ વાળો શર્ટ તથા ગ્રે કલરનો પેન્ટ પહેરેલ છે.

ઉપરોક્ત બાતમી મુજબનો માણસ ચીખલી એસ.ટી ડેપો ખાતે આવતા જેને રોકી પૂછપરછ કરી તલાશી લેતા તેની પાસેથી ચોરીના અલગ-અલગ કંપનીના 6 જેટલા મોબાઈલ મળી આવ્યા હતા. જેની કિંમત રૂપિયા 64 હજારનો મુદ્દામાલ કબ્જે કરી કાયદેસરની કાર્યવાહી હાથ ધરી હતી.