કપડવંજ ખાતે ગ્રામ્ય પોલીસ સ્ટેશન પાસે આવેલી પોલીસ લાઈનમાં તસ્કરો ત્રાટક્યા હતા. ૧૩ જેટલા મકાનોનાં તાળાં તસ્કરોએ તોડયા હતા. જોકે કોઈ કિંમતી વસ્તુ ગઈ ન હોવાનું સુત્રોએ જણાવ્યું છે. મળતી માહિતી મુજબ, કપડવંજ ટાઉન પોલીસ સ્ટેશનનાં હદ વિસ્તારમાં રત્નાકર માતાજી મંદિર પાછળ આવેલા પોલીસ સ્ટેશન પાસે પોલીસ લાઇનના ત્રણ બ્લોકમાં ગઈ કાલે રાત્રે ૧૩ જેટલા  મકાનના તાળા તુટયા હતા. સદનસીબે કોઈ મકાનમાંથી કિંમતી વસ્તુ ગઈ ન હોવાનું સુત્રો પાસેથી જાણવા મળ્યું છે. ગ્રામ્ય પોલીસ લાઈનમાં અંદાજે ૭૫ જેટલા મકાનો આવેલા છે. પોલીસ લાઇનમાં સીસીટીવી કેમેરા પણ લગાવેલા નથી. કપડવંજ નગરમાં બે વર્ષના સમયગાળા દરમિયાન અંદાજે નગરમાં ૨૨ જેટલા સીસીટીવી કેમેરા દાન કરી ઓનલાઇન સીસીટીવી રૂમ બનાવાયો હતો.