સુરતના વરાછા રાધાસ્વામી સોસાયટીના મકાનના ધાબા પર અને અમરોલી છાપરાભાઠા રોડની હેપ્પી રેસીડન્સીના એક ફ્લેટમાં શ્રાવણીયો જુગાર રમતી 11 મહિલા સહિત 13ને પોલીસે ઝડપી પાડી રોકડા રૂપિયા 60,980/- કબ્જે કરી કાર્યવાહી હાથ ધરી હતી.

 

 

 

 

 

સુત્રો પાસેથી મળતી માહિતી મુજબ, વરાછા પોલીસે ગતરોજ સાંજે રાધાસ્વામી સોસાયટી મકાન નંબર-એ/22ના ખુલ્લા ધાબા ઉપર શ્રાવણીયો જુગાર રમતી મહિલાઓ ભાવનાબેન નિલેશભાઈ સુત્તરીયા, કંચનબેન રમણીકભાઈ કોરડીયા, શારદાબેન વિઠ્ઠલભાઈ માથુકિયા, ભાવીકાબેન લાલભાઈ રાઠોડ, રંજનબેન વનુભાઈ ચુડાસમા, ચંદ્રિકાબેન કિશોરભાઈ પટેલ અને 2 પુરુષ મગનભાઈ ભુપતભાઈ બારૈયા, તેમજ હસમુખભાઈ બટુકભાઈ ગરાળા ના ઓને ઝડપી પાડી રોકડા રૂપિયા 41,780/- કબ્જે કર્યા હતા.

 

 

 

 

 

જયારે અમરોલી પોલીસે પણ ગતરોજ સાંજે અમરોલી છાપરાભાઠા રોડ હેપ્પી રેસીડેન્સી ફ્લેટ નંબર-603માં શ્રાવણીયો જુગાર રમતી મહિલાઓ જયશ્રીબેન મહેશભાઇ પરમાર, હર્ષાબેન નટવરભાઇ ઉર્ફે નટુ ઠક્કર, સોનલબેન સતિષભાઇ સેરસીયા, સંગીતાબેન કિશોરભાઇ હિરાણી અને વિધવા જયશ્રીબેન ઉર્ફે દમુબેન રમેશભાઇ હિરાણી ના ઓને પણ ઝડપી પાડી રોકડા રૂપિયા 19,200/- કબ્જે કરી તમામ વિરુદ્ધ ગુનો નોંધી કાર્યવાહી હાથ ધરી હતી.