ચીખલીનાં કલિયારી ગામે યુવાને અગમ્ય કારણોસર ગળે ફાંસો ખાઈ જીવન ટૂંકાવી લેતા પરિવારમાં શોકની લાગણી વ્યાપી હતી. મળતે માહિતી અનુસાર, ચીખલી તાલુકાનાં કલિયારી ગામના આંબાબારી ફળિયા ખાતે રહેતા વિમલ જયંતિભાઈ પટેલ (ઉ.વ.૨૦) ગુરૂવારે બપોરના સમયે ઘરમાં પંખો લટકાવવાના લાકડામાં દુપટ્ટો બાંધી અગમ્ય કારણોસર ગળેફાંસો ખાઇ જીવન ટૂંકાવી લીધું હતું. બનાવ અંગેની જાણ મરનારની બહેન કરિશ્માબેન મિતેશભાઈ પટેલ (ઉ.વ.૨૫) (રહે.બામણવાડા વાડી ફળીયા તા.ચીખલી) એ કરતા ઘટનાની વધુ તપાસ પી.એસ.આઈ કરી રહ્યા છે.