પુણા કેનાલ રોડ વિસ્તારમાં રહેતા મહિલાને ભેજાબાજે ફોન રૂપિયા ૨૫ લાખની લોટરી લાગી હોવાનુ કહી અલગ અલગ ચાર્જના બહાને રૂપિયા ૭૭ હજાર મની ટ્રાન્સફર કરાવી છેતરપિંડી કરી હતી. પુણા પોલીસના જણાવ્યા મુજબ, કેનાલ રોડ અવધુત સોસાયટીમાં રહેતા હીરાબેન સુરેશભાઈ ચાવડા (ઉ.વ.૩૦) નાને ગત તા.૫ નવેમ્બરના રોડ રૂપેશ પાંડે અને વિવેક નામના યુવકે ફોન કરી રૂપિયા ૨૫ લાખની લોટરી લાગી હોવાની હોવાનુ કહી લોટરીના પૈસા મેળવવા માટે અલગ અલગ ચાર્જના બહાને ગત તા.૫ ઓક્ટોબરથી તા.૮ ઓક્ટબરના સમયગાળામાં વિવેક નામના બેન્ક એકાઉન્ટમાં કુલ રૂપીયા ૭૭,૨૦૦/- મની ટ્રાન્સફર કરાવ્યા હતા. પૈસા ચુકવી આપ્યા બાદ પણ લોટરીના પૈસા નહી મળતા હીરાબેનને ખ્યાલ આવી ગયો તે તેમની સાથે ઠગાઈ કરવામાં આવ છે અને આ અંગ પરિવારના સભ્યોને વાત કર્યા બાદ ગતરોજ પોલીસમાં ફરિયાદ નોંધાવી હતી.