સોનગઢ તાલુકાના પોસ્ટ વાજપુરનું એકલખામ (સેલટીપાડા) ગામે રહેતા વસાવા રમેશભાઈ જયરામભાઇના ઘરમાં આગ લાગી હતી.

ઘટનાની જાણ ગ્રામજનોને થતા સ્થળ પર દોડી આવ્યા હતા અને નજીકના હેડપંપ માંથી ડોલ,ડેગડા જેમના હાથમાં જે આવ્યું તેમાં પાણી ભરી લઈ જઈ મહામહેનતે આગ ઉપર પાણીનો છંટકાવ કરી આગ પર કાબુ મેળવ્યો હોવાનું સ્થાનિકોએ જણાવ્યું હતું. આજરોજ બોપરના સમયે દરમિયાન ઘરમાં અચાનક આગ લાગતાં ઘર વખરી સહિતનો સરસામાન બળીને ખાક થઈ ગયો હતો. તમામ ઘર વખરી બળી જતાં પરિવાર બેહાલ બન્યો છે. જોકે આ બનાવમાં કોઈને જાન હાની પહોંચી નથી.