ચેન્નઇમાં વાવાઝોડા ‘મિચોંગે’ ભારી નુકસાન કર્યું છે જેના પરિણામે જન-જીવન અસ્તવ્યસ્ત થઇ ગયું છે અને ઘરોમાં પાણી ભરાઇ ગયા છે. જેમાંથી રજનીકાંતનું પોશ એરિયાનું પોએસ ગાર્ડનની આસપાસમાં આવેલું ઘર પણ બાકાત રહ્યું નથી. રજનીકાંતનાં ઘરમાં પાણી ભરાઇ ગયાનો વીડિયો સોશયલ મીડિયા પર વાયરલ થઇ રહ્યો છે. જોકે હાલ રજનીકાંત ચેન્નઈમાં નથી. તે પોતાની આગામી ફિલ્મ 'થલઈવર ૧૭૦'નાં શૂટિંગ માટે તિરુનવેલ્લીમાં છે.

જ્યારે તેમનો પરિવાર અન્ય સ્થળે શિફ્ટ થઇ ગયો છે. ઉલ્લેખનીય છે કે, ચેન્નઈના પૂરમાં અગાઉ બોલીવૂડ અભિનેતા આમિર ખાન પણ ફસાયો હતો. તે અભિનેતા વિષ્ણુ વિશાલ તથા તેની પત્ની જવાલા ગટ્ટાના ઘરે રોકાયો હતો ત્યારે પૂરમાં ફસાતાં તેણે ૨૪ કલાક પાણી તથા વીજળી વગર રહેવું પડયું હતું. બાદમાં ડિઝાસ્ટર મેનેજમેન્ટની ટીમ દ્વારા તેમને ત્રણેયને ઉગારી લેવામાં આવ્યા હતા.