ભાજપનું ગુજરાતમાં 27 વર્ષથી શાસન છે, પરંતુ ભાજપ અત્યાર સુધી માધવસિંહ સોલંકીનો 149 બેઠકોનો રેકોર્ડ તોડી શકી ન હતી. પરંતું ભાજપે હવે એ પણ હાંસિલ કરી દીધું છે. ભાજપે ટ્રેન્ડમાં માધવસિંહનો 149 સીટનો રેકોર્ડ તોડ્યો છે. ત્યારે હવે કોઈ કહી નહિ શકે કે, ભાજપે બહુમત તો મેળવી પણ માધવસિંહનો રેકોર્ડ તોડી શકી નથી, ભાજપે આજે 149 થી વધુ બેઠકો પર લીડ મેળવીને આ વાત પર પણ પૂર્ણવિરામ મૂક્યું છે.

ત્યારે ભાજપમાં ચારેતરફ ઉજવણીની શરૂઆત થઈ ગઈ છે. કમલમમાં ઉજવણી શરૂ થઈ ગઈ છે, તો ફટાકડા ફોડીને ઉમેદવારો જીતની ઉજવણી કરતા જોવા મળી રહ્યાં છે. કમલમમાં ઢોલનગારાના તાલે ઉજવણી શરૂ થઈ ગઈ છે. તો ભાજપની જીતના ગરબા લેવાઈ રહ્યાં છે. તો આ સાથે દિગ્ગજ નેતાઓ કમલમ પહોંચી રહ્યાં છે. સી.આર પાટીલ 12.30 વાગ્યે કમલમ પહોંચશે. જેને પગલે દિલ્હી ભાજપ કાર્યાલયમાં 6.30 વાગ્યે PM મોદી પહોંચવાની જાહેરાત કરવામાં આવી છે.

અત્યાર સુધીનું પરિણામનું ટ્રેન્ડ બતાવે છે કે, ભાજપ 147 બેઠક, કોંગ્રેસ 23 બેઠકો તો આમ આદમી પાર્ટી 8 બેઠકો પર લીડ મેળવી રહી છે. આ સાથે જ જ્યાં જ્યાં ભાજપ લીડ કરી રહ્યું છે ત્યાં ઉજવણીની શરૂઆત થઈ ગઈ છે. અનેક બેઠકો પર ઉમેદવારોએ ફટાકડા લાવીને ફોડવાની શરૂઆત કરી દીધી છે. સુરત અને અમદાવાદમાં ભાજપનું બુલડોઝર ફરી વળ્યું છે. બંને જિલ્લાની મોટાભાગની બેઠકો પર ભાજપ આગળ હોવાનું ટ્રેન્ડ બતાવે છે. ત્યારે ઓછું મતદાનની બીક હતી, તેમાં પણ ભાજપને ફાયદો થયો છે. સાથે જ કોંગ્રેસને મોટો ફટકો પડ્યો છે.

ભાજપની જીત વિશે ભાજપના નેતાએ કહ્યું કે, ગુજરાતની જનતાએ બતાવી દીધું કે, અમને તુષ્ટીકરણ અને મફતમાં રસ નથી, અમને માત્ર વિકાસ અને ભાજપમાં રસ છે. આ ભાજપના ભરોસાની જીત છે. માધવસિંહ સોલંકીનો રેકોર્ડ તોડવા અમે જઈ રહ્યાં છે. અમને પ્રધાનમંત્રી મોદી પર ભરોસો છે.

ગુજરાતની ભવ્ય જીત જોતા દિલ્હીમાં તેના ફટાકડા ફોડવાની તૈયારી થઈ રહી છે. આજે સાંજે દિલ્હી ભાજપ પર ભવ્ય ઉજવણી થશે. સાંજે 6.30 કલાકે ભાજપ કાર્યાલય પર ભવ્ય ઉજવણી થશે અને પ્રધાનમંત્રી કાર્યાલય પર પહોંચશે તેવી માહિતી આપવામા આવી છે.