ગુજરાતનાં ગીરમાંથી મુંબઇ લાવવામાં આવેલી સિંહની જોડીને આજે બોરીવલી નેશનલ પાર્કમાં છૂટ્ટી મૂકવામાં આવી હતી. વનમંત્રી સુધીર મુનગંટીવારનાં હસ્તે નર-માદા સિંહની જોડીનું વનાર્પણ કરવામાં આવ્યું હતું. જોકે થોડા દિવસ પહેલા જ જૂનાગઢનાં સક્કરબાગ ઝૂ માંથી સિંહની જોડીને મુંબઇ લાવવામાં આવી હતી. સિંહ-સિંહણની ઉંમર બે વર્ષની છે. નેશનલ પાર્કનાં જંગલનાં વાતાવરણ સાથે એકરૂપ થઇ શકે એ માટે તેમને થોડા દિવસ માટે બંધનમુક્ત કરવામાં નહોતા આવ્યા. હવે તેમને જંગલમાં મુક્ત કરવામાં આવ્યા છે એટલે ફરીથી પર્યટકો લાયન સફારીનો આનંદ માણી શકશે.