સોનગઢના દુમદા ગામના વિસ્તાર માંથી દેશીદારૂ બનાવવા માટેનું ગોળ-મહુડાના રસાયણ સાથે એક શખ્સને પોલીસે ઝડપી પાડી કાયદેસરની કાર્યવાહી હાથ ધરી હતી.

 

 

 

 

સોનગઢ પોલીસ સ્ટાફના માણસો શનિવારના રોજ સાંજે ખાનગી વાહનમાં બેસી સોનગઢ પોલીસ સ્ટેશનના વિસ્તારમાં પેટ્રોલીંગમાં હતા તે દરમિયાન સ્ટાફના માણસોને મળેલ બાતમીના આધારે સોનગઢના દુમદા ગામના ટાંકલી ફળીયામાં રેઇડ કરી હતી.

 

 

 

 

રેઇડ દરમિયાન રમણભાઈ કિશનભાઈ ગામીત ને તેના ઘરની પાછળ આવેલ પજારી માંથી દેશીદારૂ બનાવવા માટેનું આશરે 30 લીટર ગોળ-મહુડાનું રસાયણના મુદ્દામાલ સાથે રમણ ગામીતને પોલીસની રેઈડમાં ઝડપી પાડવામાં આવ્યો હતો.બનાવ અંગે પોલીસ કોન્સ્ટેબલ રાજેશભાઈની ફરિયાદના આધારે રમણ ગામીત વિરુદ્ધ સોનગઢ પોલીસ મથકે ગુનો દાખલ કરવામાં આવ્યો હતો.