સુરત જિલ્લાનાં કીમ ચોકડી નજીક માંડવી જતા રોડ પર ટ્રક ચાલકે રોડ ક્રોસ કરી રહેલી વૃદ્ધાને અડફેટમાં લેતા તેને ગંભીર ઈજા થઈ હતી. તેનું ઘટના સ્થળે મોત થયું હતું. મળતી માહિતી અનુસાર, કીમ ચોકડી પાસે વેલકમ હોટલની સામે માંડવી જતો રોડ આઇશા મોહમદ હાશમ કીકા ક્રોસ કરી રહ્યા હતા. તે દરમ્યાન ટ્રક નંબર જીજે/૧૬/ડબ્લુય/૧૯૭૧નાં ચાલક આઈશાબેનને અડફેટમાં લઈ ફરાર થઇ ગયો હતો. આ ઘટનામાં આઈશા બેનને ગંભીર ઈજાઓ પહોંચતા તેનું ઘટના સ્થળે મોત થયું હતું. આ અકસ્માત મામલે કોસંબા પોલીસે કસુરવાર ટ્રક ચાલક વિરૂદ્ધ ગુનો નોંધી આગળની તપાસ હાથ ધરી હતી.