છેલ્લા કેટલાક દિવસોથી ગરમીનું જોર વધી રહ્યું છે જેમાં ડાંગ જિલ્લામાં આકરી ગરમી પડી રહી હતી. જેના કારણે લોકો ત્રાહિમામ પોકારી ઉઠ્યા હતાં. જોકે હવામાનમાં આવેલા અચાનક પલટાના કારણે ડાંગ જિલ્લામાં થોડાક અંશે ગરમીનું જોર હવે ઘટયુ છે. જેના પગલે લોકોને મોટી રાહત મળી છે. ડાંગ જિલ્લાનાં મુખ્ય મથક આહવા અને સુબીર પંથકમાં મહત્તમ તાપમાન ૩૯ ડિગ્રી સેલ્સિયસ નોંધાયુ હતું.

અગાઉ આ વિસ્તારોમાં તાપમાન ૪૨ થી ૪૪ ડિગ્રી સેલ્સિયસને પાર કરી ગયુ હતું. આ ઉપરાંત ડાંગના ગિરિમથક સાપુતારા અને કાલીબેલ ભેંસકાતરીમાં પણ તાપમાનમાં ઘટાડો નોંધાયો છે અને અહીં મહત્તમ તાપમાન ૩૮ ડિગ્રી સેલ્સિયસ નોંધાયું હતું. વઘઈમાં પણ તાપમાન ૩૮ ડિગ્રી સેલ્સિયસ નોંધાયું હતું. વઘઈમાં પણ તાપમાન ૩૮ ડિગ્રી સેલ્સિયસ નોંધાયું છે. તાપમાનમાં આ ઘટાડાને કારણે ખાસ કરીને રોજીંદી મજૂરી કરતા અને બહાર કામ કરતા લોકોએ હાશકારો અનુભવ્યો હતો.