વઘઇથી સાપુતારા તરફ જતા મુખ્ય માર્ગ પર એક વોલ્વો કાર નંબર જીજે/18/બીબી/6370ને સાપુતારા ધાટ માર્ગ પર આવેલા ચીખલદા ફાટક પાસે રાત્રીના સમય દરમિયાન મોધી દાટ વોલ્વો કારના વાયરીંગમાં કોઇ કારણસર શોર્ટ-સર્કીટ થતા કારમાં અચાનક આગ ભડકી ઉઠી હતી.

કારમાં સવાર દંપતિ કારમાં લાગેલી આગ વિકરાળ સ્વરૂપ ધારણ કરે એ પહેલા કારમાંથી સમય ચુકતા વાપરી કારમાંથી બહાર નીકળી ગયા હતા જેથી દંપતિ વિરેન કહાર અને પત્ની દિપા કહાર (રહે.પાલ સુરત) નાનો ચમત્કારી બચાવ થયો હતો. જયારે કારમાં લાગેલી આગે જોત-જોતામાં વિકરાળ સ્વરૂપ ધારણ કરી લેતા કાર બળીને ખાખ થઇ જવા પામી હતી.

આ ધટના બનાવની જાણ ફાયર-બ્રિગેડની ટીમને થતા ફાયરની ટીમે ધટના સ્થળે પહોંચી કારમાં લાગેલી આગ પર કાબુ મેળવા માટે સફળ રહયા હતા જયારે આ બનાવ અંગે વઘઇ પોલીસે અકસ્માતનો ગુનો નોંધી તપાસ હાથ ધરી હતી.