નર્મદાનાં નાંદોદ તાલુકાનાં એક ગામમાં આંબા નીચે સુઈ રહેલી પરિણીતાની છેડતી કરતા શખ્સ વિરુદ્ધ રાજપીપળા પોલીસ સ્ટેશનમાં છેડતીનો ગુનો દાખલ કરાયો હતો. નાંદોદ તાલુકાના એક ગામમાં ગત તારીખ ૧૬ એપ્રિલના રોજ ૩ વાગ્યાના સુમારે ફરિયાદી પરણિતા પોતાના ઘરની બાજુમાં આવેલા વાડામાં આંબાના ઝાડ નીચે એકલા ઉંઘતા હતા. તે વખતે એક ગામનો આરોપી શંકર ભંગડા વસાવા ફરિયાદીની એકલતાનો લાભ લઈ ઈજ્જત લેવાની કોશીશ કરી હતી. આરોપીએ ફરિયાદીના પતિ તેમજ છોકરાને જાનથી મારી નાંખવાની ધમકી આપી ગુનો કર્યો તે બાબતે રાજપીપળા પોલીસ સ્ટેશનમાં આરોપી વિરુદ્ધ છેડતીનો ગુનો દાખલ કરાયો હતો.