ચીખલી પોલીસે બામણવેલ ગામેથી ચકલી પોપટનો જુગાર રમતા 3 શખ્સોને ઝડપી પાડી કાર્યવાહી હાથ ધરીએ હતી. સુત્રો પાસેથી મળતી માહિતી અનુસાર, ચીખલીના બામણવેલ ગામે બાવી ફળીયામાં ક્રિકેટ ગ્રાઉન્ડની બાજુમાં ખુલ્લી જગ્યામાં ગોળ કુંડાળું કરી ચકલી પોપટનો હાર જીતનો જુગાર રમતા સુરેશ અમ્રત પટેલ, મનુ અમ્રત પટેલ (બંને રહે.વાંદરવેલા દાદરી ફળીયું તા.ચીખલી) અને ધર્મેશ બચુ પટેલ (રહે.બામણવેલ બાવી ફળીયા તા.ચીખલી) એમ ત્રણ જેટલા શખ્સોને પોલીસે ઝડપી પાડી રોકડા રૂપિયા, દાવ પરના રૂપિયા, અને 2 નંગ મોબાઈલ સહિત રૂપિયા 4210/-નો મુદ્દામાલ કબ્જે કરી કાયદેસરની કાર્યવાહી હાથ ધરી હતી.