ઝઘડીયા પોલીસ સ્ટાફના માણસોને ખાનગી બાતમી મળી હતી જે મુજબ ઝઘડીયા પોલીસ સ્ટેશનમાં નોંધાયેલ ગુના હેઠળ લાંબા સમયથી નાસતા-ફરતા આરોપી દિનેશ ઉર્ફે જીગો પાંચિયાભાઇ વસાવા (રહે.વાસણા તા.ઝઘડીયા)નાને ઝડપી લીધો હતો. જોકે આ આરોપી ભરુચ સબજેલમાં સન-2018માં કાચાકામના કેદી તરીકે જેલમાં હતો. તે દરમિયાન ગુજરાત હાઇકોર્ટના હુકમના આધારે તા.16/7/2020ના રોજ 4 અઠવાડિયા માટે વચગાળાના જામીન ઉપર જેલ મુક્ત કરવામાં આવ્યો હતો. ત્યારબાદ તેની મુદત પુરી થયા બાદ ભરૂચ સબ જેલમાં હાજર થયેલ ન હતો અને ફરાર થઇ ગયેલ હતો જેથી ઝઘડીયા પોલીસે મળેલ બાતમી મુજબ દિનેશ ઉર્ફે જીગો વસાવાને રવિવારના રોજ વાસણા ગામેથી ઝડપી લઇને જેલ હવાલે કરવાની કાર્યવાહી હાથ ધરી હતી.