મહારાષ્ટ્ર ખોખરાલે ગામે રહેતા અનીલ કાલુંસીંગ ગીરાસે તથા હુબરસીંગ ભગેસીંગ ગીરાસે નંદુરબારથી મહિન્દ્રા સુપેરો મીની ટ્રક(નં.એમએચ/39/એડી/0893)માં સવાર થઈ સુરતની શાકભાજી માર્કેટમાં ખરીદી માટે આવી રહ્યા હતા ત્યારે  માણેકપોર ગામની સીમમાં આવેલા નરેન્દ્રભાઈ પંચાલના ખેતરની બાજુના રસ્તા પર ટ્રક ચાલક અનીલ ગીરાસે દ્વારા વાહન ઉપરનો કાબુ ગુમાવતા વાહન પલટી ખાઈ ઊંધું વળી ગયો હતો જેથી અકસ્માત સર્જાતા તેમના સાથે સવાર હુબરસીંગ રાજપૂત(ઉ.વ.૫૦)ને ગંભીર ઈજા થતા સારવાર માટે હોસ્પિટલમાં દાખલ કરાયા હતા. જ્યાં સારવાર દરમિયાન હુબરસીંગનું મૃત્યુ નીપજ્યું હતું. આ ઘટના અંગે બારડોલી પોલીસે ગુનો નોંધી જરૂરી કાર્યવાહી હાથ ધરી છે.