વલસાડના સરોધી હાઇવે પર મુંબઈ તરફ જતા એક ટેમ્પો નંબર MH/48/AY/6460નાં ચાલકે પોતાના કબ્જાનાં ટેમ્પોમાં ટામેટાનો જથ્થો ભરી મુંબઈ તરફ જવા માટે નીકળ્યો હતો તે અરસામાં વલસાડના સરોધી હાઇવે પરથી પૂરઝડપે પસાર થઈ રહેલ ટેમ્પોના ચાલકે ટેમ્પો કાબુ ગુમાવી દેતા ટેમ્પો ડિવાઈડર સાથે ધડાકાભેર અથડાઈ ગયો હતો. ત્યારબાદ ટેમ્પો પલ્ટી મારી જતાં ટેમ્પોમાં ભરવામાં આવેલ ટામેટાનો જથ્થો રોડ ઉપર વેરવિખેર થઈ ગયો હતો. અકસ્માતને પગલે હાઈવે પર ટ્રાફિક જામ સર્જાયો હતો અને ઘટનાની જાણ વલસાડ રૂરલ પોલીસને કરાતા પોલીસે વાહન વ્યવહાર પૂર્વવત કરી  આગળની તજવીજ હાથ ધરવામાં આવી હતી.