દેશમાં ફરી ચૂંટણીનો માહોલ જામી રહ્યો છે. ત્યારે રાજકરણનું કેન્દ્રબિંદુ ગણાતા ગુજરાતમાં આ વર્ષના અંતે અને અન્ય રાજ્યોમાં પણ આગામી ટૂંક સમયમાં ચૂંટણીની જાહેરાત થવાની છે તેવામાં દેશને નવા ચૂંટણી કમિશનર મળ્યાં છે. ભારત સરકારના મિનિસ્ટરી ઓફ લૉ એન્ડ જસ્ટિસે બહાર પાડેલ નિવેદનમાં જણાવ્યું છે કે, દેશના નવા મુખ્ય ચૂંટણી કમિશનર તરીકે રાજીવ કુમારની નિમણૂક કરવામાં આવી છે. જોકે સુશીલ ચંદ્રા હાલ દેશના મુખ્ય ચૂંટણી કમિશનર તરીકે ફરજ બજાવી રહ્યાં છે અને તા.15 મેથી તેઓ આ કાર્યભાર રાજીવ કુમારને સોંપવામાં આવશે.