મનિષા એસ. સુર્યવંશી/તાપી : વ્યારા તાલુકાનાં માયપુર ગામની સીમમાં પસાર થતાં હાઈવે પર અજાણ્યા વાહનની અડફેટે આવતાં યુવકને ઈજા પહોંચતા સારવાર માટે ખસેડવામાં આવ્યો હતો. મળતી માહિતી મુજબ, વ્યારાનાં કોહલી ગામનાં નિશાળ ફળિયામાં રહેતો હસનભાઈ ઈસ્માઈલભાઈ મલેક (ઉ.વ.26) જે ગત તારીખ 14/07/2023નાં રોજ મોડી સાંજે ચાલવા માટે નીકળેલ હતા. તે સમયે માયપુર ગામની સીમમાં નેશનલ હાઇવે નંબર-53 ઉપર વ્યારાથી સુરત જતાં હાઇવે રોડ ઉપર કોઈ અજાણ્યા વાહન ચાલકે પોતાના કબ્જાનું વાહન પુરઝડપે અને ગફલત ભરી રીતે હંકારી લાવી હસનભાઈને અડફેટે લેતાં અકસ્માત સર્જાયો હતો.

જોકે આ અડફેટમાં હસનભાઈને માથામાં પાછળનાં ભાગે ઈજા પહોચતા પહેલા વ્યારાનાં રીધમ હોસ્પિટલમાં સારવાર અપાઈ હતી અને વધુ સારવાર માટે સુરત મૈત્રી હોસ્પીટલમાં ખસેડવામાં આવ્યો હતો. અકસ્માત અંગે યુવકનાં પિતા ઈસ્માઈલભાઈ મલેક નાંએ વ્યારા પોલીસ મથકે તારીખ 17/07/2023નાં રોજ અજાણ્યા વાહન ચાલક સામે ગુનો નોંધાવતા પોલીસે આગળની વધુ તપાસ હાથ ધરી હતી.