રાજયમાં હાર્ટ એટેકના કિસ્સા સતત વધી રહ્યા છે. ક્યારેક કોઈને વાહન ચલાવતા એટેક આવે છે તો ક્યારેક કોઈને ક્રિકેટ રમતા. હાલમાં સુરતમાં એક ચોંકાવનારો કિસ્સો સામે આવ્યો છે. જેમાં 42 વર્ષના યુવકને બાઈક ચલાવતી સમયે અચાનક હાર્ટ એટેક આવ્યો અને તેનું મોત થયું હતું. પરિવારમાં રવિવારની આ સવાર મુશ્કેલ બની. મળતી માહિતિ અનુસાર કાનજી રાજપૂતનો પરિવાર 3 દિવસ પહેલા જ રાજસ્થાનથી ગુજરાત આવ્યો હતો. ઉલ્લેખનીય છે કે રાજ્યમાં નાની ઉંમરમાં જ ખાસ કરીને યુવકોમાં હાર્ટ એટેકનું પ્રમાણ વધી રહ્યું છે. જો તમે તેના કારણો અને લક્ષણો જાણી લેશો તો કદાચ તમે સમયસર સારવાર મેળવી શકો છો.

1. વધતું જતું સ્ટ્રેસ લેવલ
2. પૌષ્ટિક ખોરાકનો અભાવ
3. એક્સરસાઈઝનો અભાવ
4. બદલાતી લાઈફ સ્ટાઈલ

1. છાતીમાં દુખાવો થવો
2. હૃદય બિલકુલ વચ્ચેથી દબાતું અનુભવાય
3. શરીરના બીજા ભાગોમાં દુખાવો (છાતીથી હાથ, જડબાં, ગળું, પીઠ અને પેટની તરફ જતો હોય તેવો દુખાવો અનુભવાય)
4. મન અશાંત લાગે અથવા ચક્કર આવે
5. પરસેવાથી પલળી જવાય
6. શ્વાસ લેવામાં તકલીફ
7. ઊબકા આવવા
8. ઊલટી જેવો અનુભવ થવો
9. બેચેની થવી
10. ખાંસીનો હુમલો આવવો, જોર જોરથી શ્વાસ લેવો