સોનગઢ-ઉકાઈના વર્કશોપ બજારમાંથી નશા યુક્ત તાડી સહિતના મુદ્દામાલ સાથે એક રાહદારીને ઉકાઈ પોલીસે ઝડપી પાડી કાયદેસરની કાર્યવાહી હાથ ધરી હતી.

 

 

 

 

સોનગઢ-ઉકાઈ પોલીસ સ્ટાફના માણસો મંગળવારે બપોરના અરસામાં ખાનગી વાહનમાં બેસી પોલીસ સ્ટેશનના વિસ્તારમાં પેટ્રોલીંગમાં હતા તે દરમિયાન ફરતા ફરતા ઉકાઈના વર્કશોપ બજારમાં પાસે આવતા ત્યાં આગળ એક રાહદારી ઉપર શંકા જતા તેને બોલાવી તેનું નામ પૂછતાં તેણે પોતાનું નામ દિલીપભાઈ નાળીયાભાઈ વસાવા રહે, ધામણી ફળિયું, લીંબી ગામ-સોનગઢ નાનો હોવાનું જણાવ્યું હતું. પોલીસે તપાસ દરમિયાન તેની પાસેથી એક કાપડની થેલી માંથી નશા યુક્ત તાડીની 1-1 લીટરની પોટલીઓ નંગ-3 સહિતનો મુદ્દામાલ જપ્ત કરી દિલીપ વસાવાની અટક કરી હતી.

 

 

 

બનાવમાં હેડ કોન્સ્ટેબલ અજયભાઈની ફરિયાદના આધારે દિલીપ વસાવા વિરુદ્ધ ઉકાઈ પોલીસ મથકે ગુનો નોંધવામાં આવ્યો હતો.