ઉચ્છલનાં ખાબદા ગામમાંથી દેશી દારૂના રસાયણ બનાવવાના મુદ્દામાલ સાથે એક ઈસમને ઝડપી પાડી પોલીસે કાયદેસરની કાર્યવાહી હાથ ધરી હતી.

મળતી માહિતી મુજબ, ઉચ્છલ પોલીસ સ્ટાફના માણસો મંગળવારે મોડી સાંજે પ્રોહી. ગુન્હા અંગેની રેડમાં નીકળેલ હતા તે દરમિયાન મળેલ ખાનગી બાતમીના આધારે, ખાબદા ગામમાં રહેતા ઈશ્વરભાઈ રમાભાઈ વસાવાએ વગર પાસ પરમિટે ત્રણ મોટા કેરબામાં ગોળ મહુડાનું મિશ્રણવાળું રસાયણ પોતાના ઘરની પજારીના ભાગે સંતાડી મુકેલ હતું જે પોલીસ રેડમાં પકડાઈ ગયો હતો. બનાવ અંગે પોલીસ કોન્સ્ટેબલ દાનુભાઈની ફરિયાદના આધારે ઈશ્વર વસાવા વિરુદ્ધ ઉચ્છલ પોલીસ મથકે ગુન્હો નોંધી કાયદેસરની કાર્યવાહી હાથ ધરવામાં આવી હતી.