ઉકાઈના પાથરડા વિસ્તારમાં ઘર આંગણે પાર્ક કરેલી મોટર સાયકલ ચોરાઈ હોવાની ફરિયાદ ઉકાઈ પોલીસ મથકે નોંધાઈ છે.

 

 

 

 

મળતી માહિતી અનુસાર સોનગઢ-ઉકાઈના પાથરડા ગામના વેઠીયા ફળિયામાં રહેતા શૈલેષભાઈ હીરાલાલભાઈ ગામીત, ખેતીકામ કરી પરિવારનું ગુજરાન ચલાવે છે. તેઓએ શુક્રવારે રાત્રે ઘરના અન્ય સભ્યોની મોટર સાયકલ સાથે પોતાની હીરો સ્પ્લેન્ડર પ્રો મોટર સાયકલ નંબર જીજે/26/એચ/5571 ની ઘર આંગણે પાર્ક કરી હતી. બીજા દિવસે એટલે કે, શનિવારે સવારના સમયે ઘર આંગણે પાર્ક કરેલી પોતાની મોટર સાયકલ નજરે નહી પડતા આસપાસના વિસ્તારમાં શોધખોળ કરી હતી તેમ છતાં મોટર સાયકલનો કોઈ પત્તો નહી લાગતા આખરે મોટર સાયકલ ચોરી થઇ હોવાનું જાણવા મળ્યું હતું.

 

 

 

બનાવ અંગે શૈલેષભાઈ ગામીતની ફરિયાદના આધારે ઉકાઈ પોલીસે અજાણ્યા ચોર ઇસમ સામે ફરિયાદ દાખલ કરી આગળની વધુ તપાસ હાથ ધરી છે.