તાપીમિત્ર ન્યુઝ,વ્યારા:તાપી જિલ્લામાં ગ્રામ્ય રક્ષક દળ ના જવાનોની ભરતી પ્રક્રિયા પુર જોશ ચાલી રહી છે,જેનો મુખ્ય ઉદ્દેશ્ય સ્થાનિક યુવાનોને નોકરી મળે અને કાયદો વ્યવસ્થા પણ જળવાઈ રહે તે છે.જેને માટે જિલ્લાના ઘણા ઉમેદવારોએ ઉમેદવારી નોંધાવી છે.તાપી જિલ્લામાં છેલ્લા ત્રણ ચાર દિવસોથી ગ્રામ્ય રક્ષક દળ ની 1100 થી વધુ જગ્યાઓ માટે ભરતીની પ્રક્રિયા જિલ્લાના તાલુકાઓમાં તબકાવાર ચાલી રહી છે,જેમાં ઉમેદવારી માટે 2200 થી વધુ ઉમેદવારોએ અરજી કરી હતી,જેની ભરતી પ્રક્રિયા દરમ્યાન ગ્રેજ્યુએટ,પોસ્ટ ગ્રેજ્યુએટ થી લઇ એથી પણ ઉચ્ચ શિક્ષણ મેળવેલ હોય તેવા ઉમેદવારોએ ઉમેદવારી નોંધાવી છે.(ફોટો-ડોલવણ પોલીસ સ્ટેશન વિસ્તાર)