Metaની માલિકીવાળા WhatsApp દ્વારા સપ્ટેમ્બર 2023માં ભારતમાં 71.7 લાખ એકાઉન્ટ બેન કરવામાં આવ્યા હતા. આ વોટ્સએપ એકાઉન્ટને ઈન્સ્ટેંટ મેસેજિંગ એપની સુચના પ્રોદ્યોગિકી (IT)નાં નિયમો અનુસાર બંધ કરવામાં આવ્યા છે. દુનિયાના સૌથી પોપ્યુલર ચેટ એપે પોતાના લેટેસ્ટ ઈન્ડિયા મંથલીના રિપોર્ટમાં આ જાણકારી આપી છે. રિપોર્ટ પ્રમાણે કુલ બેન કરવામાં આવેલા 71.7 લાખ એકાઉન્ટમાંથી 25.7 લાખ એકાઉન્ટને યુજર્સ દ્વારા રિપોર્ટ કરતા પહેલા જ એપ પર પ્રતિબંધ કરી દેવામાં આવ્યા હતા. ભારતીય એકાઉન્ટની ઓળખ દેશના કોડ '+91' થી કરવામાં આવે છે.

રિપોર્ટ પ્રમાણે 1થી 30 સપ્ટેમ્બર 2023ની દરમિયાન 71,11,000 WhatsApp એકાઉન્ટ બંધ કરવામાં આવ્યા હતા. યુજર્સની સુરક્ષા રિપોર્ટમાં મળેલી ફરિયાદ તથા WhatsApp દ્વારા કરવામાં આવેલી કાર્યવાહી સાથે સાથે પ્લેટફોર્મનો ખોટી રીતે ઉપયોગ વપરાશકારોને દુર કરવા માટે WhatsApp દ્વારા લેવામાં આવેલા નિર્ણયોની ડિટેલ્સ સામેલ છે. રિપોર્ટ અનુસાર 1થી 30 સપ્ટેમ્બર 2023ની વચ્ચે પ્લેટફોર્મને ફરિયાદ અપીલ સમિતિ દ્વારા 6 આદેશ મળ્યા હતા અને તે દરેકનું પાલન કરવામાં આવ્યું છે.

તમને જણાવી દઈએ કે, આ પહેલા WhatsApp દ્વારા ઓગસ્ટ 2023માં 74 લાખ એકાઉન્ટ બેન કરવામાં આવ્યા હતા. અને તેમાથી 35 લાખ ખાતાઓને કોઈ યુજર્સ દ્વારા રિપોર્ટ કરવામાં આવ્યો નહોતો, તેવા ચાલુ એકાઉન્ટ પર પ્રતિબંધ કરી દેવામાં આવ્યો હતો. WhatsAppના લેટેસ્ટ રિપોર્ટમાં કહેવામાં આવ્યું છે કે, તેને એકાઉન્ટ સપોર્ટ (1031), પ્રતિબંધ અપીલ (7396), બીજા સપોર્ટ (1518), પ્રોડક્ટ સપોર્ટ (370) અને સેફ્ટી સાથે જોડાયેલી કુલ 10,442 યુજર્સની રિપોર્ટ મળી છે. આ સમયગાળામાં રિપોર્ટના આધારે 85 એકાઉન્ટ પર કાર્યવાહી કરવામાં આવી છે.