તાપીમિત્ર ન્યુઝ,સુરત:સુરતના કીમ ચાર રસ્તા પર કાવડ લઇ જતા કાવડીયાને ટ્રક ચાલકે અડફેટમાં લીધા હોવાની ઘટના સામે આવી છે.જેમાથી એકનું ઘટના સ્થળે જ મોત થયુ હતુ અને એક ઇજાગ્રસ્ત થયા હતા.સિયાલજ પાટિયા પાસે 400 થી 500  જેટલા કાવડીયાઓ કાવડ ભરી પરત ફરી રહ્યા હતા.તે સમય દરમિયાન અકસ્માત થયો હતો. માહિતી અનુસાર સુરતના કીમ ચાર રસ્તા નજીક સિયાલજ પાટિયા પાસે કવાડીયાઓ કાવડ ભરી પરત ફરી રહ્યા હતા તે દરમિયાન પૂર ઝડપે આવી રહેલા ટ્રકે એક કાવડીયાને અડફેટમાં લેતા તેનુ ઘટના સ્થળ પર જ મોત થયુ હતુ.જ્યારે એક કાવજડીયાને ઇજા પહોંચી હતી.રસ્તા પર આશરે 400 થી 500 જેટલા કાવડીયાઓએ હાઇ-વે પર ચક્કાજામ કર્યો હતો જેને લઇ વાહનની લાંબી લાઇનો લાગી હતી.આ તમામ કાવડીયાઓ ભરૂચ નર્મદા નદી માંથી કાવડ ભરી પરત ફરી રહ્યા હતા.