ચીખલી તાલુકાના ફડવેલ દાદરી ફળિયા ખાતે આવેલ રમણભાઈની ચા’ની લારી પાસે ખુલ્લી જગ્યામાં કાચી ચિઠ્ઠીમાં વરલી મટકાનો આંક ફરકના આંકડા ઉપર પૈસા લગાડી હાર જીતનો જુગાર રમાડતા મનહરભાઈ હરજીભાઈ પટેલ, દીપકભાઈ મોહનભાઈ પટેલ, વિજયભાઈ પરસોતભાઈ પટેલ (ત્રણેય રહે.સિયાદા નિશાળ ફળિયા, તા.ચીખલી) બાબુભાઈ મંગાભાઈ પટેલ (રહે.બામણવાડા વશી ફળિયા, તા.ચીખલી), સુરેશ મણીલાલ પટેલ (રહે.બામણવાડા વાડી ફળિયા) તથા કિશોર નારણભાઈ પટેલ (રહે.ગોડાઉન ફળિયા, તા.ચીખલી)ને જુગાર રમતા ઝડપી પાડયા હતા. આમ, પોલીસે તેમની પાસેથી રોકડા રૂપિયા ૧૦,૯૫૪, મોબાઈલ નંગ ૫ની, મોટરસાઇકલ નંગ ૩ની મળી કુલ ૭૨,૯૪૫ રૂપિયાના મુદ્દામાલ સાથે ૬ જુગારીઓની ધરપકડ કરી જુગારધારાની કમલ હેઠળ ગુનો નોંધી આગળની વધુ કાર્યવાહી હાથ ધરી હતી.