તાપીમિત્ર ન્યુઝ,વડોદરા:વડોદરામાં ગતરોજ ન્યુ વી.આઇ.પી. રોડ ઉપર કોઇની વિદેશી દારૂ ભરેલી પેટી પડી જતાં દારૂની રેલમછેલ થઇ ગઇ હતી. કેટલાંક લોકો પોલીસ આવે તે પહેલાં દારૂની બોટલો પણ લૂંટી ગયા હોવાની વિગતો જાણવા મળી હતી. મળતી વિગત મુજબ  શહેરના ન્યુ વી.આઇ.પી. રોડ ઉપરથી પસાર થઇ રહેલી કાર માંથી કોઇની વિદેશી દારૂની પેટી પડી ગઇ હતી. દારૂની પેટી રોડ ઉપર પડતા જ દારૂની કેટલીક બોટલો ફૂટી જતાં દારૂની રેલમછેલ થઇ ગઇ હતી.તે સમયે પસાર થતાં લોકો પૈકી કેટલાંક લોકોએ  દારૂની બોટલો જોતા જ ઉભા રહી ગયા હતા.અને હાથમાં જે બોટલ આવે તે લઇને રવાના થઇ ગયા હતા.