તાપીમિત્ર ન્યુઝ,સોનગઢ:તાપી જિલ્લા ના અતિ છેવાડે આવેલ ઘૂંટવેલના વડદા પ્ર.ઉમરદા ગામ સહિત વિસ્તારના લોકોને સોનગઢ સુધી મુસાફરી કરવા માટે અનેક સમસ્યાનો સામનો કરવો પડતો હતો.જેને લઇ ગ્રામજનો દ્વારા બસ શરૂ કરવા માટે રજુઆત કરવામાં આવતા એસટી તંત્ર દ્વારા આજરોજ થી બસ સેવા શરૂ કરવામાં આવી છે. સોનગઢ તાલુકાના ઘૂંટવેલના વડદા પ્ર.ઉમરદાના ગ્રામજનો સહિત ના લોકો માટે આજરોજ થી એસટી તંત્ર દ્વારા બસ સેવા શરૂ કરવામાં આવતા ગ્રામજનો તેમજ ખાસ કરીને વિધાર્થીઓમાં આંનદની લાગણી પ્રસરી જવા પામી છે,આજરોજ થી શરૂ થયેલ બસના ડ્રાયવર અને કંડકટર નું ગામના સરપંચ દ્વારા ફૂલ આપી સ્વાગત કરવામાં આવ્યું હતું.તેમજ એસટી નિગમના મેનેજર અને સરકાર શ્રીનો ગ્રામજનોએ આભાર માન્યો હતો.આપને અહીં જણાવી દઈએ છીએ કે અતિ છેવાડે આવેલ ઘૂંટવેલના વડદા પ્ર.ઉમરદા ગામના લોકો અને વિધાર્થીઓ માટે અનેક વખત એસટી નિગમને લેખિતમાં તેમજ મૌખિક માં રજુઆત કરી બસ સેવા શરૂ કરવા માંગણી કરી હતી.જેને લઇ એસટી તંત્ર દ્વારા આજરોજ થી ઘૂંટવેલના વડદા પ્ર.ઉમરદા રૂટ પર બસ સેવા શરૂ કરવામાં આવી છે.ગ્રામજનો સહિત મુસાફરોમાં આનંદની લાગણી પ્રસરી જવા પામી છે.