જાહેરમાર્ગ પર પુરપાટ ઝડપે વાહન હંકારતા વાહનો ચાલકો સામે ઉકાઈ પોલીસે લાલ આંખ કરી છે, ઉકાઈના જીઇબી ગેટ પાસે ઈસુબભાઈ વસાવા (ઉ.વ.20) રહે, સર જાંબલી,ડુંગરી ફળિયું-સોનગઢ નાઓ પોતાની કબજાની મોટર સાયકલ નંબર જીજે/05/કેએસ/0117 ને પુર ઝડપે અને ગફલતભરી રીતે હંકારતા પકડાઈ ગયા હતા, આ બનાવમાં પોલીસ કોન્સ્ટેબલ પ્રકાશભાઈ રામાભાઈની ફરિયાદના આધારે ગુનો દાખલ કરવામાં આવ્યો હતો.

જયારે બીજા બનાવમાં ઉકાઈ કેલ્સ હોટલ પાસે સુમનભાઈ છગનભાઈ વસાવા રહે,જુનાઈ ગામ,નિશાળ ફળિયું-સોનગઢ નો પોતાની કબજાની મોટર સાયકલ નંબર જીજે/26/આર/2515 ને પુર ઝડપે અને ગફલતભરી રીતે હંકારી પોતાની તથા રસ્તે આવતા જતા વાહન ચાલકોનો જીવ જોખમમાં મુકાય તે રીતે ચલાવતા પકડાઈ ગયો હતો આ બનાવમાં પોલીસ કોન્સ્ટેબલ સંદીપભાઈની ફરિયાદના આધારે ઉકાઈ પોલીસે મથકે ગુનો દાખલ કરી નિયમોનુસારની કાર્યવાહી હાથ ધરવામાં આવી હતી.