તાપીમિત્ર ન્યુઝ,ડોલવણ:ડોલવણ તાલુકાના પંચોલ ગામની સીમમાં દૂધ ભરેલ ટેન્કરને અકસ્માત નડ્યો છે.બનાવમાં દૂધ ભરેલ ટેન્કર પલટી ખાતા ટેન્કર નીચે દબાઈ જવાથી એક શખ્સનું ઘટના સ્થળ પર જ કમકમાટી ભર્યું મોત નીપજ્યું હતું.જયારે અન્ય ત્રણ જણાને ગંભીર ઈજા પહોચતા નજદીકની હોસ્પિટલમાં સારવાર અર્થે ખસેડવામાં આવ્યો છે.બનાવની જાણ ડોલવણ પોલીસને થતા ઘટના સ્થળ પર પહોંચી ટેન્કર નીચે દબાઈ ગયેલા શખ્સના મૃતદેહને બાહર કાઢવા માટે તજવીજ હાથ ધરી છે. તાપી જિલ્લાના ડોલવણ તાલુકાના પંચોલ ગામ પાસે આજરોજ બપોરના સમયે દૂધ ભરેલ એક ટેન્કરને અકસ્માત નડ્યો છે.દૂધ ભરેલ ટેન્કર પલટી ખાતા ટેન્કર નીચે એક શખ્સનું દબાઈ જવાથી કમકમાટીભર્યું મોત નીપજ્યું હતું.જયારે ત્રણ જણાને શરીરે ગંભીર ઈજા પહોચતા સારવાર અર્થે નજદીક ની હોસ્પિટલમાં વ્યારા ખાતે ખસેડવામાં આવ્યો છે,ઈજાગ્રસ્તો પૈકી એક શખ્સની તબિયત વધુ લથડતા સુરત ખાતે રીફર કરવામાં આવ્યો છે.ટેન્કર પલટી ખાતા દૂધ રસ્તા પર વહેવા લાગ્યું હતું.બનાવની જાણ ડોલવણ પોલીસને થતા ઘટના સ્થળ પર પહોંચી તપાસ શરુ કરી છે.