Tapi mitra news:સચીન જીઆઈડીસી રોડ નં-૨ ખાતે આવેલ ખાતાને કોઈ અજાણ્યાએ નિશાન બનાવી ખાતા માંથી લેપટોપ અને રોકડા ૧૫ હજાર મળી કુલ રૂપિયા ૨૨ હજારની મતા ચોરી કરી નાસી ગયો હતો. સચીન જીઆઈડીસી પોલીસના જણાવ્યા મુજબ સચીન કનકપુર શીતનગર ખાતે રહેતા સંજય શીવમુરતલાલ માથુર (ઉ.વ.૪૧) સચીન જીઆઈડીસી રોડ નં-૨ ખાતે ખાતુ ધરાવે છે,દરમિયાન ગત તારીખ છઠ્ઠી ના રોજ સાંજના છ વાગ્યાથી ૭મીના સવારના દસ વાગ્યાના સમયગાળામાં કોઈ અજાણ્યાએ ખાતાના દરવાજાનું તાળુ તોડી અંદર પ્રવેશ કર્યો હતો અને ઓફિસમાં મુકેલ લેપટોપ અને રોકડા ૧૫ હજાર મળી કુલ રૂપિયા ૨૨,૦૦૦ની મતાની ચોરી કરી નાસી ગયો હતો.