Tapi mitra news:સણીયા રોડ પર મંદિરે જતી વેળાઍ મોટરસાયકલ ડિવાઈડર સાથે ભટકાતા સ્લીપ થતા સર્જાયેલા અકસ્માત ઈજા પામેલા બે મિત્રો પૈકી ઍક યુવાનનું મોત નિપજયું હતું. ડિંડોલીના થાણા ફળિયામાં રહેતો ૨૯ વર્ષીય મેહુલ રમેશભાઈ પટેલ અને તેના મિત્રો જયવદન ઉર્ફે જીતુ પટેલ સાથે સણીયા ખાતે મંદિરે મિત્રોને મળવા જોવા નીકળ્યા હતા. તે સમયે સણીયા કણદે ગામ અને ખરવાસા રોડ વચ્ચે મોટરસાયકલ ડિવાઈડર સાથે અથડાતાની સાથે સ્લીપ થઈ હતી. જેમાં બંને નાની-મોટી ઇજા થતા સારવાર માટે સ્મીમેર હોસ્પિટલમાં ખસેડાયા હતા. જ્યાં ગંભીર ઈજા પામેલા મેહુલનું સારવાર દરમિયાન ગઈકાલે બપોરે મોત નીપજયું હતું. નોંધનીય છે કે મેહુલ હીરાના કારખાનામાં કામ કરતો હતો, તેની ઍક બહેન છે આ અંગે ડીંડોલી પોલીસે તપાસ હાથ ધરી છે.