Tapi mitra News:ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા આવતીકાલ, 9 જૂને ધોરણ-10ની પરીક્ષાનું પરિણામ જાહેર કરવામાં આવશે. વિદ્યાર્થીઓ સવારે 8 કલાકથી બોર્ડની વેબસાઇટ www.gseb.org પર પોતાનું પરિણામ જોઈ શકશે. ગુજરાત શિક્ષણ બોર્ડ દ્વારા કોરોના મહામારીને ધ્યાનમાં રાખીને આવતીકાલે બોર્ડની વેબસાઇટ  www.gseb.org  પર પરિણામ જાહેર કરવામાં આવશે. વિદ્યાર્થીઓને આવતીકાલે ગુણપત્રનું વિતરણ કરવામાં આવશે નહીં. વિદ્યાર્થીઓને માર્કશીટ ક્યારે મળશે તેની જાહેરાત હવે પછી બોર્ડ દ્વારા કરવામાં આવશે. ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા માર્ચ મહિનામાં લેવાયેલી ધોરણ-10ની પરીક્ષામાં આશરે 10.80 જેટલા વિદ્યાર્થીઓ બેઠા હતા. રાજ્યના કુલ 81 ઝોનના 934 કેન્દ્રો પર ધોરણ-10ની પરીક્ષા લેવામાં આવી હતી. તાપી જીલ્લા શિક્ષણ અધિકારીના જણાવ્યા અનુસાર તાપી જીલ્લામાં માં 12,207 વિદ્યાર્થીઓએ પરીક્ષા માટે ફોર્મ ફર્યા હતા, ધોરણ-10ના બધા પેપર 80 માર્કના હતા.