Tapi mitra News-વરાછા પોલીસે બાઇક પર જતા બે જણાને આંતર્યા હતા. તેઓને ક્યાં જતા હોવાનું પૂછતા બે પૈકી એકે જણાવ્યું કે તે પોલીસકર્મી છે. તેને આઈકાર્ડ પણ બતાવ્યું હતું પરંતુ તે આઈકાર્ડ નકલી નીકળ્યું હતું. વરાછા પોલીસ વૈશાલી ત્રણ રસ્તા પાસે પેટ્રોલિંગમાં હતી ત્યારે એક બાઇક પર બે જણા જતા હતા. તેમને રોકિને નામ પૂછતા તેઓએ અશોક પોપટ વઘાસીયા અને સંજય ભનુ વઘાસીયા જણાવ્યું હતું. પોલીસે તેમને બે જણા કેમ સાથે જાવો છો અને ક્યાં જાવો છો પુછતા અશોકે જણાવ્યું હતું કે તે પોલીસમાં છે. પોલીસે અશોક પાસે આઈકાર્ડ માંગતા તેને આઈકાર્ડ બતાવ્યું હતું. એસઆરપી નડિયાદનું આઈકાર્ડ હતું. તેમાં એ.પી.સી. લખ્યું હતું.જોકે આઈકાર્ડ પર કોઈ ઇસ્યુ કરનારના સહિસિક્કા ન હતા.તેથી અશોકની સખ્તાઈથી પૂછપરછ કરતા અશોકે સ્વીકારી લીધું કે બોગસ આઈકાર્ડ બનાવીને પોલીસ તરીકે રોફ જમાવતો હતો. તેને પોલીસને જણાવ્યું કે આ લોક ડાઉનમાં કોઈ રોકે તો પોતે પોલીસ છે એવી ખોટી ઓળખ આપતો હતો જેથી તેને જવા દેવાય અને પબ્લીકમાં પોલીસ તરીકે ઓળખ ઉભી કરવા બોગસ આઈ કાર્ડ બનાવ્યું હતું. અશોક જમીન દલાલીનું કામ કરે છે. વરાછા પોલીસે અશોક અને સંજય વિરુદ્ધ ગુનો દાખલ કર્યો છે.