Tapi mitra News-વતન જવા માટે સૌરાષ્ટ્રવાસીઓ ખૂબ જ ઉતાવળા થયા હોવાને કારણે અત્યાર સુધીમાં એસટી વિભાગ પાસે ૨૯૫૦ બસોનું બુકિંગ થયું છે. સુરત એસટી વિભાગે શનિવારે ૩૫૦ બસો સુરતથી રવાના કરવાનું આયોજન કર્યું છે. અત્યાર સુધીમાં કુલ ૫૦૬ બસ રવાના થઈ ચૂકી છે. સુરતથી પોતાના વતન જવા માટે સૌથી વધુ તૈયારી અમરેલી વિસ્તારના વતનીઓએ બતાવી છે. એસટી બુકિંગમાં ૪૪ ટકા હિસ્સો એકલા અમરેલી નિવાસીઓનો છે, જ્યારે બીજા ક્રમે ૩૦ ટકા હિસ્સા સાથે ભાવનગર જિલ્લાના વતનીઓનો આવે છે.સુરત એસટી વિભાગે ગઇકાલે ૨૬૬ જેટલી બસો રવાના કરી હતી. સોશિયલ ડિસ્ટન્સીગનો સખ્તાઈથી પાલન કરવાનું હોવાથી એક બસમાં માત્ર ૩૦ પ્રવાસીઓને બેસાડવામાં આવી રહ્યા છે. સુરત એસટી વિભાગને તા. ૭મીના રોજ ૧૮૦૦ અને ગતરોજ તા. ૮મીએ ૧૧૦૦ જેટલી એસટી બસનું બુકીંગ સૌરાષ્ટ્રવાસીઓ તરફથી મળ્યુ હતુ. શનિવારે એસટી વિબાગે ૩૫૦થી વધુ બસો સુરતથી રવાના કરવાનું આયોજન કર્યુ છે. અત્યાર સુધી એસટી ૫૦૬ બસો સૌરાષ્ટ્ર તરફ રવાના કરી ચુક્યુ છે.