Tapi mitra News-કોરોના વાઇરસના પગલે પર­ાંતિયોને વતન જવા માટે ટ્રેનની સગવડ સરકારે કરી આપી છે ત્યારે સૌરાષ્ટ્ર અને ઉત્તરગુજરાતના રત્નકલાકારોને સુરતથી મોકલવા માટે એસટી બસની પરવાનગી આપવામાં આવી છે. ગઇકાલે ­પ્રાઇવેટ બસની મંજૂરી અપાયા બાદ સરકાર દ્વારા એસટી બસોને સિંગલ ભાડામાં લોકોને સૌરષ્ટ્ર લઇ જવામાં આવશે તેવો મુખ્યમંત્રીએ કેબિનેટની બેઠકમાં નિર્ણય લીધો હોવાનું રાજ્યકક્ષાના આરોગ્યમંત્રી કુમારભાઇ કાનાણીએ જણાવ્યું હતું. સુરતથી લોકોને સૌરાષ્ટ્ર લઇ જવા માટે એસટી ડેપોમાં તૈયારીઓ શરૂ કરી દેવામાં આવી છે. એસટી બસોને સેનિટાઇઝ કરવાની કામગીરી હાથ ધરવામાં આવી છે. સરકારના આદેશ મુજબ બસ તૈયાર કરીને મોકલવામાં આવશે. કુમારભાઇ કાનાણીએ જણાવ્યું હતું કે, દિવાળીના સમયે રત્નકલાકારોને વતન જવા માટે સવાયું ભાડું ચુકવવાનું રહેતું હતું. જો  આ વખતે બસમાં મુસાફરોની સંખ્યા ઓછી રખાશે અને સિંગલ ભાડામાં લઇ જવામાં આવશે. બાકીના રૂપિયા રાજ્ય સરકાર ચુકવશે તેવી જાહેરાત કરી હતી. સુરતથી અન્ય જિલ્લામાં જવા ઇચ્છુક વ્યક્તિઓએ ૩૦ વ્યક્તિઓનું ગૃપ બનાવીને સુરત ડેપો પર લીસ્ટ આપવાથી તમામ ­કારની મંજૂરીઓ એસટી વિભાગ દ્વારા લેવામાં આવશે અને સિંગલ ભાડામાં ­વાસીઓને તેમના જિલ્લામાં મુકી આવવામાં આવશે.