ઇકરામ મલેક દ્વારા રાજપીપળા:COVID-19 મહામારીને અનુલક્ષીને નર્મદા જિલ્લા પંચાયતના આરોગ્ય વિભાગના એપીડેમીક મેડિકલ ઓફિસરશ્રી ડૉ. આર.એસ.કશ્યપ તરફથી આજે તા. ૨૭ મી એપ્રિલ, ૨૦૨૦ ના રોજ સાંજે ૫:૦૦ કલાકે પ્રાપ્ત થયેલી જાણકારી મુજબ આજે કોરોનાનો નવો વધુ કોઇ પોઝિટીવ કેસ નોધાયેલ નથી. જિલ્લામાં આજદિન સુધી નોંધાયેલા કુલ ૧૨ પોઝિટીવ કેસો પૈકી સાજા થયેલા એક દરદીને અપાયેલી રજાવાળા કેસને બાદ કરતાં આજની સ્થિતિએ કોરોનાના પોઝિટીવ કુલ ૧૧ કેસના દરદીઓ સારવાર હેઠળ છે, તેવી  જાણકારી પણ જિલ્લા પંચાયતના આરોગ્ય વિભાગના કંટ્રોલ કક્ષ તરફથી પ્રાપ્ત થઇ છે.