Tapimitra News-લિંબાયત પોલીસ મથકની હદમાં આવેલા ગોડાદરા માન સરોવર સોસાયટી પાસેના આવાસમાં રાત્રિ દરમ્યાન અસામાજીક ઇસમોએ મચાવેલા આતંકમાં એક ઇસમની ઘાતકી હત્યા કરી નાંખવામાં આવી હતી. જયારે ત્રણને ગંભીર ઇજા પહોચતા સારવાર માટે હોસ્પિટલમાં દાખલ કરવામાં આવ્યા હતા.

ગોડાદરા માન સરોવર સોસાયટી પાસેના એસ.એમ.સી. આવાસમાં રહેતો રાજકુમાર નામનો ઇસમ ૧૫મી એપ્રિલ નારોજ રાત્રે ત્યાંથી પસાર થઇ રહ્ના હતો તે દરમ્યાન આરોપીઓએ તેની સાથે ગાળાગાળી કરવા મુદ્દે ઝઘડો થયો હતો. ત્યારબાદ એકત્રિત થયેલા આરોપીઓએ મિલીન્દ અને સંબંધીઓ લતાબેન કૈલાશભાઇ ઠાકરે અને સોનુ અશોક સિરસાઠ , સાગર અશોક સિરસાઠ પર આ વિસ્તારના માથાભારે ગણાતા એવાં સતિષ ઉર્ફે સતિષ કાળિયો વિજય દુબે અને તેના ભાઇ કરણ દુબે અને આશા વિજય દુબે ,જયોતિ વિજય દુબે તેમજ સાહિલ સાંદે , વિનય ઉર્ફે ઢોસા પટેલ , વિપુલ રાઠોડ , અજય , રાહુલ , આદિત્ય સહિત ૧૨ જેટલા ઇસમોએ ઝઘડામાં સમાધાન કરવા આવેલા મિલીન્દ , તેની માસી અને માસીની દિકરી સહિત ૩ થી ૪ વ્યકિતઓ પર લાકડાના ફટકા અને તિક્ષ્ણ હથિયાર વડે હુમલો કરી નાસી છુટ્યા હતા. હુમલામાં ગંભીર રીતે ઘવાયેલા તમામને સારવાર અર્થે સ્મિમેર હોસ્પિટલમાં ખસેડાયા હતા. જયાં ટુંકી સારવાર દરમ્યાન મિલીન્દનું મોત નિપજ્યુ હતુ. બનાવ અંગેની જાણ થતાં જ લિંબાયત પોલીસ મથકના પોલીસ ઇન્સપેકટર વિનોદ મકવાણા સહિત ઉચ્ચ અધિકારીઓનો કાફલો ઘટના સ્થળે દોડી આવ્યો હતો. અને સુરેશ ઉર્ફે સોનું સીરસાઠની ફરીયાદના આધારે દુબે પરિવાર સાથે ૧૨ જેટલાં હુમલાખોરો વિરૂધ્ધ હત્યાનો ગુનો નોîધી તપાસ શરૂ કરી છે.

High light-સમાધાન કરવા આવેલા મિલીન્દ ,તેની માસી અને માસીની દિકરી સહિત ૩ થી ૪ વ્યકિતઓ પર લાકડાના ફટકા અને તિક્ષ્ણ હથિયાર વડે હુમલો કરી નાસી છુટ્યા