તાપીમિત્ર ન્યુઝ,સુરત:સૂરત શહેરના નાના વરાછા વિસ્તારની શિવા કોમ્પલેક્ષ ખાતે આવેલી પરસાણા એજ્યુકેશન ટ્રસ્‍ટ સંચાલિત મીઠીબા વિદ્યાલય(ગુ.મા.)શાળા અને બાપા સિતારામ એજ્યુકેશન ટ્રસ્ટ સંચાલિત મીઠીબા વિદ્યાલય(હિ.મા.) શિવા કોમ્પ્લેક્ષ, નાના વરાછા, સુરત ખાતે આવેલ પ્રાથમિક શાળાની માન્યતા ગાંધીનગરની નિયામકશ્રી, પ્રાથમિક શિક્ષણ, પ્રાથમિક શિક્ષણ નિયામકની કચેરીના તા.૧૯/૧૨/૨૦૧૯ના હુકમથી શૈક્ષણિક વર્ષ-૨૦૨૦-૨૧થી રદ કરવામાં આવી છે. સંબંધિત વાલીશ્રીઓએ ઉક્ત શાળાઓમાં પ્રવેશ ન લેવા તથા અભ્યાસ કરતાં વિધાર્થીઓએ એલ.સી. કઢાવી અન્યત્ર શાળામાં પ્રવેશ મેળવી લેવા જણાવવામાં આવે છે. જો કોઈ વિદ્યાર્થી આગામી સત્રમાં ઉક્ત શાળાઓમાં પ્રવેશ મેળવશે અને કોઈ પ્રશ્ન ઉપસ્થિત થશે તેની સંપૂર્ણ જવાબદારી વાલીશ્રી/વિધાર્થીની રહેશે. તેમ સુરત જિલ્લા શિક્ષણાધિકારી દ્વારા જણાવાયું છે.