ઈકરામ મલેક દ્વારા તાપીમિત્ર ન્યુઝ,રાજપીપળા:રોજ શ્રમ અને રોજગાર વિભાગ નર્મદા દ્વારા રોજગાર મેળા નુ આયોજન રાજપીપળા ના છોટુભાઈ પુરાણી મહાવિદ્યાલય ના સંકુલ મા આયોજીત કરવામા આવેલ હતું.સરકાર ના શ્રમ અને રોજગાર વિભાગ નર્મદા દ્વારા આયોજિત આ મેળા મા સારી એવી સંખ્યામાં બેરોજગાર યુવક યુવતીઓ એ ભાગ લીધો હતો. સરકાર દ્રારા આમંત્રિત વિવિધ ખાનગી કંપનીઓ ના પ્રતિનિધિઓ એ હાજર રહી ને પોતાની કંપની નો ટુંકો પરિચય આપી ને કંપની મા જરુરી માણસો ની માહીતી પુરી પાડી હતી, વિવિધ ખાનગી કંપનીઓને દ્વારા સ્ટોલ ઉભા કરી સ્થળ ઉપર જ રોજગાર વાંછુ ઉમેદવારો ના ઈન્ટરવ્યૂ અને જરુરી દસ્તાવેજી પુરાવાઓ મેળવવા ની સુવિધા ઉભી કરવામાં આવી હતી. મુખ્ય અતિથિ નાયબ માહિતી નિયામકશ્રી ગાદીવાલા સાહેબ,મુખ્ય વક્તા તરીકે રોજગાર અધિકારી શ્રી જી.આર.બારીયા સાહેબ તેમજ જીલ્લા ઉદ્યોગ કેન્દ્ર ના ઈન્ચાર્જ મેનેજર બી.આર.રાઠવા ઉપસ્થિત રહ્યા હતા. 11 નોકરી દાતા કંપનીઓ ના પ્રતિનિધીઓ ઉપસ્થિત રહ્યા હતા. 467 ઉમેદવારો એ ભાગ લીધો હતો અને એ પૈકી 387 ઉમેદવારો પ્રાથમિક પસંદગી પામ્યા હતા.