ઇકરામ મલેક દ્વારા તાપીમિત્ર ન્યુઝ,રાજપીપળા:રાજપીપળા નગરપાલિકાના રોજમદાર સફાઇ કર્મીઓ પોતાની પડતર માંગણીઓને લઇ છેલ્લા ચાર દિવસથી હડતાળ ઉપર ઉતર્યા છે ત્યારે નાંદોદ કોંગી ધારાસભ્ય પી.ડી.વસાવાએ હડતાળ પર બેઠેલા કામદારો ની મુલાકાત લઇ તેમની રજૂઆતો સાંભળી એ રજુઆત ને સ્થાનિક કક્ષાએ તેમજ ઉપર સરકાર સુધી પહોંચાડવા તેમજ ન્યાય અપાવવા યોગ્ય પ્રયત્ન કરવા આશ્વાસન આપ્યું હતું. સાથે યુથ કોંગ્રેસ ના નેતાઓ અને સરપંચ પરિષદ ના યુવા નેતાઓએ પણ હડતાળ પર બેઠેલા કામદારો ની મુલાકાત લઈ તેમને યોગ્ય ન્યાય અપાવવા જણાવ્યું હતું. જોકે હડતાળ પર બેઠેલા કામદારો એ જણાવ્યું કે,અમે પગાર વગર ત્રણ મહિના ભીખ માંગી ને જીવ્યા હજુ પણ જીવીશું પણ કાયમી કરાવો તેવી કામદારો એ નાંદોદ ધારાસભ્ય ને રજુઆત કરી હતી.