ઇકરામ મલેક દ્વારા તાપીમિત્ર ન્યુઝ,રાજપીપળા:નર્મદા જિલ્લા ના ડેડીયાપાડા ના માથાવલી ગામમાં જમીન માંથી રસ્તો કાઢવા જેવી નજીવી બાબતે બબાલ થતા પથ્થર મારી ગંભીર ઇજા બાદ જાન થી મારી નાંખવાની ધમકી આપી હોવાની ફરિયાદ થવા પામી છે.પ્રાપ્ત માહિતી અનુસાર માથાવલી ગામના રમણીબેન દામજીભાઇ વસાવા ની ફરિયાદ મુજબ તેમના પતિના ખાતાની જમીનમાં તેઓ રોડનુ પુરાણ કરવા ગયા હતા તે વખતે દામજીભાઇ ગામીયાભાઇ વસાવા એ “ આ જમીન અમારા ખાતાની છે. માટે આ જમીન માંથી રસ્તો કાઢવા નું રહેવા દો અને સાઇટ માથી રસ્તો કાઢો” તેમ કહી પતિ દામજીભાઈ ને માર મારતા પત્ની રમણીબેન વચ્ચે પડી કહેવા જતા તેની સાથે બોલાચાલી થઈ ત્યારે બામણીયા ભાઇ સુરજીભાઇ વસાવા એ નજીકમાં પડેલ પથ્થર માથા માં છુટ્ટો મારી દેતા ગંભીર ઇજા પહોંચાડી સાથે સાથે આ ગામ છોડી દો નહિ તો જાનથી મારી નાખીશુ કહી જાનથી મારી નાખવાની ધમકી આપી હોય આ બાબતે હિતેષ જાતરીયાભાઇ વસાવા,બામણીયા સુરજી વસાવા,સાજન જેઠીયા વસાવા,તમામ રહે.માથાવલી,વિરુદ્ધ ફરિયાદ થતા પોલીસે કાયદેસર કાર્યવાહી હાથ ધરી છે.