ઇકરામ મલેક દ્વારા તાપીમિત્ર ન્યુઝ,રાજપીપળા:નર્મદા બાર એસોસિએશન ની ચૂંટણી માં કોઈ જ અન્ય ઉમેદવારે ઉમેદવારી ન નોંધાવતા હોદ્દેદારો બિનહરીફ જાહેર કરાયા હતા.અગાઉ સતત પાંચ વખત ચૂંટાઈ આવેલા કુ.વંદના ભટ્ટે હાલ બિનહરીફ આવી શિક્ષર મારી સતત 6 વખત પ્રમુખ પદે બિરાજ્યા હતા. રાજપીપળા કોર્ટ મા ગુરૂવારે નર્મદા બાર એસોસિએશન ના હોદ્દેદારોની ચુટણી યોજાઈ હતી. જેમા તમામ હોદ્દેદારો બિનહરીફ ચૂંટાયા હતા.કેમ કે અન્ય કોઈ ઉમેદવારે પોતાની ઉમેદવારી ન નોંધાવતા આખરે તમામને હોદ્દા પર યથાવત રાખ્યા હતા.જેમાં કુ.વંદનાબેન ભટ્ટ સતત છઠ્ઠી વાર પ્રમુખ તરીકે ચૂંટાઇ આવી શિક્ષર મારી હતી. જ્યારે ઉપપ્રમુખ તરીકે સંગ્રામસિંહ માત્રોજા,સેક્રેટરી તરીકે બલવંતભાઈ વસાવા,તથા જોઇન્ટ સેક્રેટરી તરીકે આદિલખાન પઠાણ બિનહરીફ ચૂંટાયા હતા ચૂંટણી કમીશ્નર તરીકે ભદ્રેશ ચોક્સી,અશ્વિનાબેન શુકલ અને મિનલબેન બારોટે સેવા આપી હતી.